ايش الدنيا بدونك ..
ايش الدنيا بدونك قلـي وربـك أنا بدونك أتوه و لا أدري وينـي
ايش الدنيا يادنيتي بدون حضنـك حضنك الـدافي من دفاه يدفينـي
ايش الدنيا يادنيتي بـدون حبـك حبك المجنـون بجنـونه يضيعنـي
ايش عمري ياعمـري بلا قلبـك قلبك الغالـي بغـلاه محتوينـي
ايش الدنيا بدونك قلـي بربـك أنا بدونك أشـوف الموت بعينـي
توحشني بجنون ويوحشني حسنـك أشتـاقلك وشوقي لك يكوينـي
قلت اني نسيتك ..
أنـا قلت اني لقيت غيرك ونسيتك
كمان قلت اني حبيت غيرك مليون
و قلت خلاص أنا بعتك وماشريتك
والشعـراء يقولـون مالا يفعلون
لا تصدقني لو قلت في يوم نسيتك
أنا والله ما نسيتك و لاهـم يحزنون
ما نسيتك لكن أعترف اني جفيتك
جفيتك و جرحتك لأني فيك مجنون
سويت كذا عشان تحس اني هويتك
والظاهر اني زودتها و صـرت أمون
الكل يحسب اني كرهتك و نسيتك
و أنا توي بـديت بحبك و مايدرون
أنا فتحت عينـي في الدنيا ولقيتك
و الحب الوحيد في حياتي ما يهون
أكيد مستغرب ليه أنا اليوم جيتك
لا تستغـرب وأحسن فيني الظنون
يالله عـاد اضحك وابتسم فديتك
أنا وقلـبي وكلـي فدوه لهالعيون
أنا أعتقـد بذي القصيده راضيتك
عشان تعرف ايش كثر قلبي حنون
بس لاتنسـى اني قلت اني حبيتك
و الشعـراء يقولـون مالا يفعلون
يعني يمكن اني كرهتـك و نسيتك
ويمكن مـاحبيتك ولا هم يحزنون
