فضآآآيح بنآت المتوسط

فضايح بنات متوسط

رجه
صياعه
طولة لسان
لعنة خير
واحسن شئ فيهم {الفزعات}

شعارهم:ازحف للدنيا تزحفلك _عيش وفلها وربك يحلها
هدفهم:تضييع الوقت باي وسيله


لا وعندهم تعصب قبلي وغطوا على الشباب من هالناحيه !!!
يعني هاذي شمريه تهاوشت مع دوسريه عشانها قالت الشمامره...........؟
وهاذي سبيعيه تهاوشت مع عتيبيه عشانها قالت ........؟
وهاذي زهرانيه تهاوشت مع غامديه عشانها قالت.........؟

لا وما شاء الله عليهم عقولهم اكبر من سنهم يعني مثال بنت بثاني متوسط عمرها 15 سنه تعرف كل صغيره وكبيره واظن الله يرحم زمان اولفاهمين قصدي زين

واذا جت المباريات بين الانديه هوشات مو صاحييييييه
مثلا:
بنت تهاوشت مع الثانيه وطلعت دمها عشانها قالت النصر يغطي على الهلال كفو واللهبالراحه
ومثال ثاني بنت قالت برشلونه تغطي على مانشستر يونايتد وتدوسها تحت جزمتها بعد


لا وانحش اذا جااء طاري اللاعبين اوووف اوووف تكفيخ ومكافخ ولعنة خير
عشان ياسر القحطانيي احسن من مالك معاذ وعبد الرحمن القحطاني احسن من الجابر ونواف التمياط جذاب اكثر من الشلهوب وووووو ....إلخ


واذا جت مباراة المنتخب اللي كاتبه على ثوبها يالاخضر اللي ما تعرف المستحيل علم بلادك في يمينك يا الاصيل وبخاخات وعلى الجدران واللي كاتبه يكفي ان الكون كله وراي لاني سعوديه دايم الدوم قدام وعليهم وطنيه مو صاحيه بس يموتون على شئ اسمه فزاع الشيخ حمدان يموتون عليه ههه يحقلهم ويحبون قصيدة شاميه اتصلت غلطانه ويعشقون الشاعر لفى الهفتا



وما يقهرني الا ان المعلمات يخافون منهم وربي يخافون ولا قبل كم يوم معلمه مخلوعه كتفها بالمدرسه {المتوسطه الاولى بالظهران} تصوروا دابغين مدرسه والله زمن


ولا اذا راحوا للمدرسه قصدي للسكول على مراييلهم ما تقول مراييل للمدرسه تقول فساتين عرس فتحات وخصر و انواع التزين انواع الكشخه انواع وانواع وانواع


وكل اغنية تنزل حفظوها بدقيقه بعني لو الوزاره تخلي المناهج اغاني وتجيب مساري يغنيها وربي ينجحون بالراحه ههه


والمشكله انهم يعرفون كل سياره تنزل ويعرفون موديلها قيمتها وشركتها والاقساط حقتها مدري وش عرفهم ما شاء الله


وطبعا كل وحده فيهم عندها اكثر من ايميل يعني ايميل للعايله وايميل لصديقاتها وايميل لاخوياها وايميل للمنتدياتها


لا واذا مروا شباب من عند مدرستهم انواع الزحمه يا شيخ اللي تزين الكحل حقها ولا تعدل لثمتها ولا تشيل الشيله خير شر كل هاذي عشان يقزوون صح!!!اسحب عليه


وخصوصا اذا طلعوا على البيت سوري قصدي {الهده} انواع القز انواع الغمز واذا عجبهم واحد نادوه وقطوا الرقم وراحوا والله حاله فضاوه



وتعال بالحصه اللي تطقطق بعلكها واللي تاكل حب واللي تغني واللي يسولفون واللي يحشون واللي يتفقون على هوشه واللي ناوين على معلمه واللي تشق دفترها واللي تقص شعرها واللي تهستر بالمعلمه والشله هذيك منحاشه وشلة حليب نياق بالاداره الله لا يوريكم اذا حنا كذا وشلون المدارس الخاصه


لا وكل يوم يلبسون بناطيل تحت مراييلهم عشان اذا لعبوا كوره ورا المدرسه
طبعا كل يوم الشلل هاذي مخصصين حشا شباب مو بناتحصه يهربون فيها ويروحون يلعبون ورا الدرسه بالكوره
يروحون ورا ويفصخون ثيابهم طبعا البناطيل تحت يعني عادي ويلااا لعب اللي تقلد بيكهام واللي تقلد ياسر وهذيك تقلد كاكا والثانيه كريستيانو ولو تحطونهم بالانديه يفوزونها بالراحه



وهستره بالمعلمات مو صاحيه بس ترا هم ما يقولون لك شئ بس لو تقربلهم ولا تتحرش فيهم رحت فخرايطها



وما يعترفون بشئ اسمه نظافة كتب يعني طنش تعش تنتعش
صارت كتبهم وسيله تعبير عن النفس يعني اللي متضايقه على طول فتحت الكتاب وكتبتلك ذيك القصيده
واللي زهقانه تكتب بكتابها كل اغنيه حافظتها واللي ... واللي.... واللي....إلخ


هههههه


والمشكله دجه طول السنه ونهاية العام اللي جايبه نسبة 92% والثانيه95%


وكتموا المدرسه بريحة الزقاير اووف ريحه مو صاحيه بالحمامات من زقايرهم الله يهديهم بس هاذا عاد من رداة المديره ولا بنات ويزقرون والله مشكله


وعليهم ثقه بانفسهم مو صاحيه الوحده واثقه من نفسها حييييييل من كل ناحيه


وما يمر يومين الا وهم متواعدات يابملاهي والبالمشاغل حقت قص الشعر يتواعدون هناك


واذا جااء رمضان كالعاده فيه شئ اسمه صلاة تراويح هم يروحون عشان يدقونها سوالف دججججه من جد


وهاذي حالتهم مستحيل تتغير يعني صراحه العن من بنات الثانوي والجامعه حرااام البنت عمرها 15سنه 16 سنه14سنه 17سنه وداجه بس وناسه وربي على الاقل يطلعون من المدرسه بذكريات تضحك هههه


وهاذا هم بنات المتوسط اذا تبي تعرف اووووف قلق هالبنات
هههههههههههه

وهذي انواع شلة بنات متوسط >>هع
شلة{وصلت خير}
شلة{خويات الملك}
شلة{خويات ابليس}
شلة{مشوتين القواطي}
شلة{المافيا}
شلة{رجه وعجه}
شلة{هامورات الاسهم}
شلة{حكاية عطر}
شلة{جواليه}
شلة{حنا اللي وراك}
شلة{شحنة حب}
شلة{مطفشين الاداره}
شلة{داشر داشر}على وزن شاطر شاطر
....................
(الا من رحم ربي من البنات)>>>>>>>>> حيفطسووو الشباب من الضحك

عاد ابغى ردودكم

هههههههههههههههههههه

والله وطلعت الفضاايح هين


والله يهجولون بعد

هههههههههههههه

ههههههههههههههههههههههه الله يقطع سوالفك مشكوووور على الرد الجميل

هههههههههههههههههههههه الله يهديك يـــا دحووم قلبت المواجع
ايه والله انك صادق كله نفسنا بس عاد مو كل شيء يعني فيه
شويه صواريخ او بمعنى اصح إشاعات ههههههههههه
والله اني اشتقت لشله حسب الله وشله الزعيم واهم شيء شله هملش و شله معنا يد في يد ضد الأدب ....وربي فله وناسه ودجه
بس نسيت اهم شيء العروس كل اربعاء الحصه الاخيره
والنوم بالحصص
يسلمو خيوو عالموضوع الرائع مع انك طلعت فضايحنا بس يلا بعديها لك
]