قمت من النوم اليوم كالعادة صباحاً رايح للجامعة
وانا اغسل وجهي >> الله يعين على الزحمة اليومية
اشرب كاس حليب على استعجال بالدرج.. وانا اسمع
دعوات الوالدة لي بالتوفيق >> الله يخليها لي ..
وش هالجو اليوم امطار وغيم ودرجة الحرارة 24 ..>> هلا والله
ركبت السيارة شغلت الراديو fm
ارتفاع كبير في سوق الاسهم..
زيادة في رواتب جميع الموظفين..
السماح للشباب بدخول المراكز التجارية..>> دايم ينكرش قدام المولات
المنتخب السعودي يتأهل الى المباراة النهائية لكأس العالم..
>>يالله صباح خير وش هالاخبار الزينة
احرك السيارة باتجاه الدائري رايح للجامعة ..
وأنزل من المخرج .. وش ذا ؟؟؟؟....
مافيه اي زحمة ورجال المرور مسيطرين على الوضع بالكامل..
أناظر الساعة.. الجوال.. أيه الاثنين السابعة صباحاً!!!
اوصل الجامعة مبكراً على غير العادة ..ولكل طالب موقف خاص باسمه .. السكرتي وهومبتسم تفضل طال عمرك..>> أرحم يا مسلم..
ادخل بهو الكلية أحصل (دانكن دونات ، كرسبي كريم ، لالالا ، د.كيف)
يالعن أم الفلة.. بفطر وأعين من الله خير ..
اوه الساعة ثمان وعشر.. يالله وش يفكني من الدكتور الحين.. واحس انه بيكرشني..
يالله بنشرت بقوله .. و ما امداني ..
ادق باب القاعة ..ونبضات قلبي تدق معها..
افتح الباب.. اهلين د. باسم >> الي هو أنا
صباحك فل ازيك يبني ادخل تفضل..
أأأأببب ... الكفر منسم ..ونسيت اعبي بنزين.. واخوي مريض..
معلش يبني اتفضل كل انسان له ظروفه .. أتفضل..
وانا داخل القاعة اسمع صدى منبه الجوال يدق..
خير.. وش.. هاااااااااااااااااه... لا.. كل ذا كااااااااااان حــــــــــــــــلـــــــم ..
لا حول ولا قوة الا بالله....
اقوم مستعجل .. اغسل وجهي البس يالله .. يالله..
كاس الحليب بسرعة بالدرج..
اركب السيارة .. اشغل الراديو..
إنخفاض حاد في سوق الاسهم..
رفع الزيادة السابقة للموظفين..
منع الشباب من الطلوع من البيت.. >>
المنتخب السعودي يخسر من الهند ويطلع من الدور الاول..
أحرك السيارة ..
الزحمة الفففففففففففففففففففف.. بقشع 20 مرة..>>هنا يشتغل باسم شوماخر
اوصل الجامعة متأخر وما لقيت موقف..السكرتي .. ما تفهم ممنوع الدخول.. يالله الين لقيت..
ادخل البهو .. ذاك البنقالي اللي يسد نفسك مع الصبح للفطور..
اكل ربع الساندوتش.. يالله تأخرت على المحاضرة باقي دقيقة..
اوصل القاعة والمحاضرة بدت من20 ثانية ..
انت متاخر يالله برا..>> انكرشت
يالله كل هالحوسة واخر شي انطرد..
وعشان وش عشان محاضرة ساعة ..
يالله برجع البيت>> مطنقر وبنام ..
